சுவர்

சுவாசம்முட்டி
உடம்பு வியர்த்தது அதற்கு ...!
பாவப்பட்ட சுவர்.
மனிதப்படைப்பு என்பதால்
கண், மூக்கு, வாய், கை, கால்கள் எதுவுமின்றி
நெட்டையாகவும்
குட்டையாகவும் அது நிற்க்க
அதற்கு
காதுகள் மட்டும்
ஆயிரமாயிரம்
முளைத்து முளைத்து உதிர்கின்றன
அவற்றில்
சில கடிக்கின்றன
பலதும் குடைகின்றன
இன்னும் ஓர் இரண்டில்
புகைவரப் பகை
வகை வகையாய் வளர்கின்றது ...

- பிரகாசக்கவி
19052015