ஹூர்லீன் தேவதை

சேகுவேராவின் புன்னகையில்
புத்துயிர் கொண்ட
அசாத்திய கனவுகள் போல
எனக்குள்ளும் சாத்தியப்பட்டவள் நீ

நேற்றையபொழுதில் நீ
சுவர்க்கம் பற்றியும்
சுவனத்து தாரகைகளாம்
ஹூர்லீன்கள் பற்றியும்
என்னிடம் சிலாகித்துப்பேசினாய்

அப்போது
அடிக்கடி என் கனவுக்கு
கல்லெறியும் நட்ச்சத்திரங்கள்
என்னிடம் நச்சரித்துப்போவதுபற்றி

எப்போதோ நீ கேட்டஞாபகம்
இப்போது வந்ததால்
சொல்லவா என நான்கேட்க
இப்போது விட்டால்
இனி எப்போது என்று நீ சொன்னதால்
இப்போதே சொல்கிறேன் கேள்

உன் வனப்பில் மதிமயங்கிய
சுவனத்து தாரகைகளுக்கு இப்போதெல்லாம் ஒரே மாரடைப்பாம் !

- பிரகாசக்கவி -