தம்பட்டம்

போர்முடிந்ததாய்
பெரு முழக்கம் .

குதிரை குட்டியீன்ற
யானை முட்டை போல

ஆங்காங்கே தோரணங்கள்
அதன் நடுவில் காரணங்கள்

ஒடிந்துபோன ஓராயிரம் வீதிகளுக்கு
ஒட்டு போட்டாயிற்று !

இடி இடித்து
மின்னல் வெட்டி
குடையும் பிடிச்சாச்சு !

காய்ந்த மரங்களுக்கு
பச்சை முலாம் பூசப்படுகிறது !

தமிழர் கால் உடைத்து
குளிருக்கு குதூகலமாய்
சூப்பும் குடிச்சாச்சு !

சோனகர் தோல் உரித்து
மத்தளம் கொட்டலாச்சு !

பெய்யாத
பெரு மழையில்

பேய் நனைந்து

வாந்தி வருவதாய்
தேரைகள்
தேவாரம் பாடலாச்சு !

ஆனால் இன்னும்
சுதந்திரம் வந்து போனதாய்
சுவடுகள் தானுமில்லை இங்கு !

-பிரகாசக்கவி