சேவல்களின் குரல்வளைகள் நெரிக்கப்படுவதால்
இப்போதெல்லாம்
நாய்கள் குரைத்துத்தான்
பொழுது விடிகிறது
என் தேசத்தில் !
பசுக்களெல்லாம் பரிகசிக்கப்படுவதால்
பேய்களின் தொழுவமாய்
மாறிக்கிடக்கிறது நாடாளமண்றம் .
பாம்புகளுக்கு பால்வார்ப்பதர்க்காய்
வந்து போகிறது தேர்தல்கள் .
இருந்தும் என்ன பயன்
சிறு பான்மையெனும்
வாயில்லா பூச்சிகளின் வாழ்வில்
இன்னும் இன்னும் .
பல்லிகளும்
தவளைகளும்தான் வந்து வந்துபோகிறார்கள்
தலைவனாகவும்
தொண்டன்களாகவும்!
