உனக்காக எல்லாம் உனக்காக

1.
உன்னிடம்
ஒரு வானமும்
என்னிடம் சில
நட்சத்திரங்களும் இருக்கின்றன
எனக்கு இரவும்
உனக்கு பகலும் பிடிக்குமென்பதால்
நானொரு
சூரியனை வரைகிறேன்
இனி என்வானில்
சந்திரனுக்கு இடமேயில்லை..!

2.
என்னிடமொரு கடலிருந்தால்
அதைச்சுருட்டி
உனக்கொருசட்டை தைத்திடுவேன்
அதனால் மீன்களுக்கு மானம்போனால்
உன் புன்னகையில் புடவை நெய்து
புதுச்சட்டை கொடுத்திடுவேன்..!

- பிரகாசக்கவி -