உயிர் நிலா

அழவும்
ஆசுவாசமின்றி
உலாவமட்டுமே முடியுமான நாளொன்றில்
மூர்ச்சையாகி கிடந்த என்னை
சிரிக்கவும் ரசிக்கவும் வைத்தவள் நீ !

காய்ந்து
கருவாடாகிப்போன என்
யௌவனக் குடுவைக்குள் இன்று
ததும்பி வழியும்
சிநேகப்பழரசங்களின்
தோட்டக்காரியும் நீ !

கொக்கை கொண்டு
கொய்திட முடியா
அந்த சந்திரன் தேசத்து
பால் நிலா போல ...

இந்த
இந்திரன் சுவாசத்து
உயிர் உலா என்றும் நீ !!!

- பிரகாசக்கவி -